Сэргэх концерт!

УМНУЛЛУБАТ ОНУС КЫЛААС

Күлэн-оонньоон, айдаарсан,

 Сэмэлэһэн, хайҕаһан,

 Күүстээх дьаныар үорэхтиин

 Күрэхтэспит күннэрбит—

 Умнуллубат онус кылаас,

Чэгиэн-чэбдик эдэр саас.

Ньургун майгы, туйгун үөрэх

 Доҕордоспут кыыһыгар

Тэбэнэттээх өй-сүрэх

Тэһииннэппит кэмнэрэ—

Умнуллубат онус кылаас,

Таптыыр нарын эдэр саас.

 Дьоһун-мааны майгылаах,

Дьоҥҥо мэлдьи туһалаах

Үлэ киһитэ буоларга

 Баҕарарым туохтан да!—

 Умнуллубат онус кылаас,

 Сырдык дьулуур—эдэр саас.

Кынаттаабыт оскуолам

Ыйан биэрбит суолун тутан,

 Кэллим манна, алааспар,

 Доҕоттордуун айа-тута—

Умнуллубат онус кылаас

 Уоттаах санаа—эдэр саас.

Ытык ыра санааларым

 Сырдык чаҕыл кыымнарын

Өйдоон кэлэн кэнэҕэс

Көмүскэбэр уу көстүө…—

 Умнуллубат онус кылаас,

Ойор күннээх эдэр саас!

Муус устар 18 күнүгэр сылын аайы үгэс быһыытынан ыытыллар оскуоланы бүтэрээччилэр концертара буолан ааста. Быйыл Хара-Алдан орто оскуолатын биир үөрэнээччи, Айтал Попов бүтэрэр, кылаас салайааччыта Сметанина Татьяна Петровна. Бу концеры кылаас салайааччыта иилээн-саҕалаан ыытта. Концертка биир киһи курдук түмсэн Айтал оскуолаҕа бииргэ үөрэнэр доҕотторо, дьиэ кэргэнэ уонна аймах-билэ дьоно кытыннылар. Сыанаҕа олус элбэх көрдөөх сценка, ырыа, үҥкүү дэлэйдэ. Кэлбит көрөөччүлэр сүргэлэрэ көтөҕүллэн, үөрэн-көтөн тарҕастылар.