«Кырсаада» оҕо сайыҥҥы сынньалаҥын лааҕырыгар Россия күнүн тэрээһинэ ыытылынна.

Хара-Алдан орто оскуолатын баазатыгар сылын аайы «Кырсаада» оҕо лааҕыра үлэлиир. Салайааччынан Крылова Анна Аркадьевна, иитээччилэр Марианна Егоровна Крылова, Аида Куатбековна Копбаева үлэлииллэр. Быйыл 15 иитиллээччи бэс ыйын 8 күнүттэн сылдьан саҕалаатылар. Россия күнүн көрсө «Будущее России — это мы!» тэрээһин ыытылынна. . Ол курдук, олохтоох библиотека уонна «Аллан» норуот айымньытын дьиэтин үлэһиттэрэ холбоһон, оҕо сайыҥҥы лааҕырыгн иитиллээччилэригэр анаан «Будущее России — это мы!» диэн сэргэх тэрээһини тэрийэн ыыттылар. Ульяна Ивановна Модун Россия, кини куораттарын, норуоттарын туһунан сырдатта уонна тэттик ыйытактары биэртэлээтэ. Тэрээһин иккис чааһа күрэх быһыытынан ааста. Бу интэриэһинэй тэрээһиҥҥэ барыта 15 оҕо көхтөөхтүк кыттан, бэйэлэрин талааннарын, сатабылларын уонна дойдуга тапталларын көрдөрдүлэр. Тэрээһин сүрүн сыалынан улаатан эрэр көлүөнэ патриотическай тыынын уһугуннарыы, оҕолор ортолоругар доҕордуу сыһыаны күүһүрдүү буолла. Тэрээһин үрдүк таһымнаахтык ааһарыгар лааҕыр баспытааталлара Марианна Егоровна, Аида Куатбековна күүс-көмө буоллулар. Күрэх түмүгүнэн бары кыттыылаахтар грамоталарынан уонна бэлэхтэринэн наҕараадаланнылар. Бу курдук, Хара Алдан кэскиллээх ыччаттара Россия күнүн бэртээхэй тэрээһининэн бэлиэтээтибит. Оҕолор аны да ыытыллар тэрээһиннэргэ кэлиэх буолан тарҕастылар.